Kryeministri i Kosovës, Ramush Haradinaj ka thënë me rastin e rënies së tre heronjve Zahir Pajaziti, Edmond Hoxha dhe Hakif Zejnullahu se 31 janari kur ranë heronjtë, është vështirë të prezantohet se cka ndodhi atë ditë.

“Shqiptarët e robëruar bënin angazhime, plane për të organizuar luftën për liri, në të njëjtën kohë jo të gjithë e kuptonin momentin historik që e legjitimonte forcën e ushtrisë. Zahiri ka qenë prijës i shumë ushtarëve, unë e kam dëgju nga shumë ushtarë fjalë për të. Rënia e tyre ishte mirë e realizuar nga kundërshtarët”, ka thënë Haradinaj.

Sipas tij, rënia e dëshmorëve ishte shumë e rëndë për ushtrinë tonë dhe humbje e madhe.

“Për fat ashtu sic ata ishin vet, nuk sollën dëshpërim te populli i Kosovës, por mundësuan që nga rënia e tyre të kemi rikthimin e shumë djemve në shtëpi. Nga pikëpamja ime janë popull me fat kudo që jetojnë sepse në kohërat e vështira, dëshmorët arritën të nxjerri projekte të pakrahasueshme, kur të gjithë i shihnin si të parealizueshme”, ka thënë tutje Haradinaj.

Ai ka theksuar porjketi i lirisë nuk është një e arritur në 1999 apo 2008 dhe se është mirë të mendohet sfida për dekadat e ardhshme.

“lavdi heronjve që i kujtojmë sot, përgëzime për shtatoren në Podujevë, na priftë e mbara gjithmonë”, ka përfunduar kryeministri Haradinaj.